ఇటీవల విడుదలైన 'కాంచన' సినిమా సక్సెస్ కథానాయిక లక్ష్మీ రాయ్ కి మంచి జోష్ నిచ్చింది. మరోపక్క తాజాగా బాలకృష్ణతో కీర్తి కంబైన్స్ సినిమాలో కూడా నటిస్తోంది. అలాగే, మరి కొన్ని సినిమాలు డిస్కషన్స్ లో వున్నాయట. ఇలా తను చేతి నిండా సినిమాలతో బిజీగా వున్నప్పటికీ, తనకు సినిమాలు లేవంటూ మీడియాలో వస్తున్న వార్తలు మాత్రం ఆమెకు బాధ కలిగిస్తున్నాయట. "సౌత్ లోని నాలుగు భాషల్లోనూ నేనిప్పుడు సినిమాలు చేస్తున్నాను. ఈ రోజు ఇక్కడుంటే రేపు బెంగళూరులో ఉండాల్సి వస్తోంది. దీంతో ఏ భాష మీదా కాన్సంట్రేట్ చేయలేకపోతున్న మాట నిజం. ఇది చూసి, నాకు సినిమాలు లేవంటూ రాస్తున్నారు. వాస్తవానికి నేను ఫుల్ బిజీ" అంటోంది లక్ష్మీ రాయ్. త్వరలో హిందీ సినిమా కూడా చేస్తూ బాలీవుడ్ ఎంట్రీ ఇస్తోంది తను. అక్కడ కూడా సక్సెస్ సాధిస్తానని ధీమాగా చెబుతోందీ సుందరాంగి.
