అనుష్క ప్రధాన పాత్రధారిగా తమిళ, తెలుగు భాషల్లో ఓ చిత్రాన్ని నిర్మించడానికి సన్నాహాలు జరుగుతున్నాయి. ఈ చిత్రానికి '7 జి. బృందావన్ కాలనీ', 'ఆడువారి మాటలకు అర్ధాలే వేరులే' చిత్రాల దర్శకుడు సెల్వ రాఘవన్ (శ్రీరాఘవ) దర్శకత్వం వహిస్తాడు. దీనికి సంబంధించిన స్క్రిప్ట్ వర్క్ ప్రస్తుతం జరుగుతోంది. ఇందులో తమిళ హీరో ఆర్యతో బాటు, ఓ తెలుగు యువ హీరో కూడా నటిస్తాడు. ఈ ఏడాది చివర్లో ఈ సినిమా షూటింగు ప్రారంభమవుతుందని తెలుస్తోంది.
