మాజీ హీరోయిన్ రాధిక మధ్యవర్తిత్వం చేసి ఓ మ్యారేజిని సెట్ చేసింది. తమిళ యాక్షన్ హీరో విశాల్ కీ, తన భర్త మొదట భార్య కూతురు వరలక్ష్మికి మధ్య రాధికే మాటలు నడిపి పెళ్ళి దాకా తీసుకు వచ్చిందని తెలుస్తోంది. తమిళ పరిశ్రమలో వినపడుతున్న దాని ప్రకారం విశాల్ మొదటి చూపులోనే వరలక్ష్మితో ప్రేమలో పడిపోయాడట. అయితే అది విశాల్ తల్లితండ్రులకు అస్సలు ఇష్టం లేదట. ఎందుకంటే గతంలో శరత్ కుమార్ కీ విశాల్ తండ్రి,నిర్మాత అయిన అయిన జికె రెడ్డికీ మధ్య విభేదాలు ఉన్నాయి. అది దృష్టిలో పెట్టుకుని వీరి వివాహానికి నో చెప్పేసారు. ఈ నేపధ్యంలో రాధికే స్వయంగా రంగంలోకి దిగి ఈ మ్యారేజ్ ని సెటిల్ చేసింది. త్వరలోనే ఈ వివాహానికి సంభందించి అఫీషియల్ ఎనౌన్స్ మెంట్ వచ్చే అవకాశం ఉందని తెలుస్తోంది. ఇక విశాల్ రీసెంట్ గా వాడూ వీడు చిత్రంతో మంచి నడుటుగా పేరు తెచ్చుకున్నాడు. అదే సమయంలో శరత్ కుమార్ నటించిన కాంచన చిత్రం కూడా మంచి హిట్ అయ్యి క్రేజ్ తెచ్చుకుంది.
