ప్రస్తుతం సినిమాలు విడుదలై ప్రజాదరణ పొందటమే గగనమై పోయింది. రెండోవారం ఆడితే గొప్ప విషయంగా చెప్పుకొంటున్నారు. వందరోజుల పరిస్థితి అరుదుగా జరుగుతుంది. రాబోయే రోజుల్లో శతదినోత్సవాలు ఉండవు. యాభైరోజులు అనేది గొప్ప విషయంగా కనిపిస్తుంది' అని నిర్మాత దిల్‌రాజు అంటున్నారు. ప్రభాస్‌ కాజల్‌ నటించిన 'మిస్టర్‌ ఫర్‌ఫెక్ట్‌' శనివారంతో వందరోజులు పూర్తిచేసుకుంది. ఈ సందర్భాన్ని పురస్కరించుకుని శనివారం సంస్థ కార్యాలయంలో కేక్‌ కట్‌ చేశారు. అనంతరం ఆయన మాట్లాడుతూ...'ప్రభాస్‌ చిత్రాల్లో అత్యధిక వసూళ్లు నమోదు చేసుకున్న చిత్రమిది.
ఏ చిత్రానికైనా మూడు వారాలపాటే కలెక్షన్లు ఉంటాయి. ప్రభాస్‌ ఇందులో బాగా నటించాడు' అని చెప్పారు. తదుపరి చిత్రం గురించి చెబుతూ...'సిద్దార్థ్‌తో చేస్తున్న 'ఓ మై ఫ్రెండ్‌' షూటింగ్‌ దశలో ఉంది. ఇందులో కొత్త దర్శకుడ్ని పరిచయం చేస్తున్నా. అక్టోబర్‌ సినిమాగా విడుదల కానుంది' అని తెలిపారు.
