అంతవరకు మామూలు హీరోయిన్ గా పేరున్న కాజల్ కు రాజమౌళి దర్శకత్వంలో వచ్చిన 'మగధీర' సినిమా పెద్ద పేరు తెచ్చింది. ఆ సినిమాతో ఆమెకు రాత్రికి రాత్రే స్టార్ ఇమేజ్ వచ్చేసింది. ఆ వెంటనే పెద్ద హీరోలతో అవకాశాలు రావడం, ఈ రోజు తను అగ్ర కథానాయికగా రాణిస్తుండడం మనకు తెలిసిందే. అప్పటి నుంచీ ఆమె మళ్లీ రాజమౌళి సినిమాలో నటించే అవకాశం కోసం ఎదురుచూస్తూనే వుంది. ఆ అవకాశం కాజల్ కు ఇప్పుడు వచ్చిందట. ప్రభాస్ హీరోగా రాజమౌళి ఓ సోషియో ఫాంటసీ సినిమా ప్లాన్ చేస్తున్న సంగతి తెలిసిందే. ఆ సినిమాలో కథానాయికగా రాజమౌళి తాజాగా కాజల్ ను ఎంపిక చేసినట్టు తెలుస్తోంది. పూర్తి వివరాలు త్వరలో వెల్లడిస్తారు.
