రోబో సినిమా విజయంతో జాతీయ, అంతర్జాతీయంగా పేరు తెచ్చుకున్న తమిళ దర్శకుడు శంకర్ తాజాగా రూపొందిస్తున్న చిత్రం 'నన్బన్'. హిందీలో హిట్ అయిన 'త్రీ ఈడియేట్స్' కి ఇది రీమేక్. తెలుగులో దీనిని 'త్రీ రాస్కేల్స్' పేరుతో అనువదించడానికి సన్నాహాలు జరుగుతున్నాయి. ఈ సినిమా విశేషమేమిటంటే, ఇందులో సుమారు అరడజను మంది హీరోలు నటిస్తున్నారు. విజయ్, జీవా, శ్రీకాంత్ ప్రధాన పాత్రలు పోషిస్తుండగా, మరో ప్రముఖ నటుడు సత్యరాజ్, దర్శకుడు యస్.జే.సూర్య కీలక పాత్రలు పోషిస్తున్నారు. తాజాగా ఈ బ్యాచ్ లో లారెన్స్ కూడా చేరాడు. దీంతో ఈ సినిమా తారాబలం పెరిగిందనే చెప్పాలి. ఇక హీరోయిన్ గా ఇలియానా నటిస్తున్న సంగతి తెలిసిందే.
