తాను గ్లామర్ పాత్రలే ఎక్కువగా చేసినప్పటికీ, టాలెంట్ ని ప్రూవ్ చేసుకునే పాత్రలు కూడా బాగానే చేశానని చెబుతోంది అందాల తార శ్రియా. "నాలో టాలెంట్ లేకపోతే నన్నెప్పుడో పంపించేసి వుండేవారు. ఇప్పుడు ప్రసిద్ధ ఫిలిం మేకర్ దీపామెహతా నాకు అవకాశం ఇచ్చారంటే, ఊరికే ఇవ్వరు కదా? నా మీద ఎంతో నమ్మకం ఉండబట్టే ఆమె తన చిత్రంలో చాన్స్ ఇచ్చారు" అంటోంది శ్రియా. దీపామెహతా దర్శకత్వంలో ఆమె ప్రస్తుతం 'మిడ్ నైట్ చిల్డ్రన్' అనే ఆంగ్ల చిత్రంలో నటిస్తోంది. ఇందులో తాను మురికివాడలకు చెందిన అమ్మాయిగా నటిస్తున్నానని శ్రియా చెబుతోంది. 'ఇంతవరకు నేను చేసిన పాత్రలన్నిటికీ ఇది భిన్నంగా వుంటుంది. నటిగా నా పేరును మరింత ముందుకు తీసుకుపోతుంది' అంటోంది. ఇప్పటివరకు తను మొత్తం 50 సినిమాలలో నటించాననీ, పదేళ్లలో ఇన్ని సినిమాలలో చేయగలగడం తన అదృష్టమనీ శ్రియా చెప్పింది.
