రవితేజాని రామ్ అనుకరించడం లేదా? :సినీ జ్వాల తెలుగు:

ఇటీవల రిలీజ్ అయిన 'కందిరీగ' సినిమా సక్సెస్ బాటలో పయనిస్తూ, హీరో రామ్ కి మంచి పేరు తెస్తోంది. అయితే, ఇందులో రామ్ అభినయం చూస్తే... అందరికీ రవితేజ గుర్తుకొస్తున్నాడట. అంటే, మనవాడు రవితేజా స్టయిల్ని అనుకరిస్తున్నాడని అందరూ అభిప్రాయపడుతున్నారు. అయితే, రామ్ మాత్రం ఈ విషయాన్ని ఒప్పుకోవడం లేదు. "నేనెవ్వర్నీ అనుకరించడం లేదు. అయినా తమకిష్టమైన హీరో నాలో కనపడుతున్నాడంటే దానిని కాంప్లిమెంటుగానే తీసుకుంటాను తప్ప, కంప్లైంట్ గా మాత్రం తీసుకోను" అంటున్నాడు రామ్ నవ్వుతూ.  అన్నట్టు, 'కందిరీగ' సినిమా చూసి, మహేష్ బాబు, యన్టీఆర్ ఫోన్ చేసి రామ్ ని అభినందించారట. వీరిద్దరూ ఫోన్ చేసి కంగ్రాట్స్ చెప్పడం తనకు ఎంతో బలాన్నిచ్చిందని రామ్ అంటున్నాడు. మొత్తానికి చాలా కాలం గ్యాప్ తర్వాత హిట్ కొట్టిన ఆనందం రామ్ లో బాగానే కనిపిస్తోంది