మంచి రంగు రంగుల చొక్కా వేసుకుని, నీట్ గా తల దువ్వుకుని, నల్ల కళ్ళద్దాలు పెట్టుకుని, టిప్ టాప్ గా తయారై వెళ్లే కుర్రాడిని 'పూలరంగడు' అంటూ పిలవడం మన పల్లెటూర్లలో చూస్తూనే వుంటాం. ఇప్పుడు కమెడియన్ సునీల్ కూడా ఇలా పూలరంగడు అవుతున్నాడు. తను హీరోగా నటించే ఓ చిత్రానికి తాజాగా ఈ పేరునే ఖరారు చేశారు. ఇటీవల 'అహ నా పెళ్ళంట' వంటి హిట్ చిత్రాన్ని రూపొందించిన వీరభద్రం చౌదరి దర్శకత్వంలో ఈ సినిమా రూపొందనుంది. ఆర్.ఆర్.మూవీ మేకర్స్ సమర్పణలో మాక్స్ ఇండియా బ్యానర్ పై కె. అచ్చిరెడ్డి ఈ చిత్రాన్ని నిర్మిస్తున్నారు. 'ప్రేమకావాలి' ఫేం ఇషా చావ్లా ఇందులో సునీల్ సరసన కథానాయికగా నటిస్తుంది.
