శ్రీహరి కథానాయకుడుగా నటించే సినిమా ఒకటి ఈ రోజు మొదలైంది. హంసానందిని కథానాయికగా బాబ్జీ దర్శకత్వంలో రూపొందే ఈ చిత్రం పేరు 'టీ సమోసా బిస్కట్'. దీని షూటింగ్ హైదరాబాదులోని రామానాయుడు స్టూడియోలో ప్రారంభమైంది. హీరో, హీరోయిన్లపై చిత్రీకరించిన ముహూర్తపు షాట్ కు సీపీఐ నారాయాణ కెమెరా స్విచాన్ చేయగా, హీరో శ్రీకాంత్ క్లాప్ ఇచ్చారు. రామానాయుడు తొలిషాట్ కు గౌరవ దర్శకత్వం వహించారు.
ఈ సందర్భంగా శ్రీహరి చెబుతూ, "హైదరాబాదులో చార్మినార్, బిర్లామందిర్, గోల్కొండ వంటివి ఎంత ఫేమస్సో, టీ సమోసా బిస్కట్ కూడా అంతే ఫేమస్. అయితే, ఇవిప్పుడు సామాన్యుడికి అందుబాటులో వుండడం లేదు. ఇలా ఎందుకు జరుగుతోందన్నది ఇందులో చూపిస్తున్నాం" అన్నారు. దర్శకుడు బాబ్జీ చెబుతూ, "ఈ సినిమాకి దర్శకుడిగానే కాకుండా నిర్మాతగా కూడా వ్యవహరిస్తున్నాను. ఈ సినిమాకి శ్రీహరి అయితేనే సరిగ్గా సూట్ అవుతారు" అన్నారు.
ఈ సందర్భంగా శ్రీహరి చెబుతూ, "హైదరాబాదులో చార్మినార్, బిర్లామందిర్, గోల్కొండ వంటివి ఎంత ఫేమస్సో, టీ సమోసా బిస్కట్ కూడా అంతే ఫేమస్. అయితే, ఇవిప్పుడు సామాన్యుడికి అందుబాటులో వుండడం లేదు. ఇలా ఎందుకు జరుగుతోందన్నది ఇందులో చూపిస్తున్నాం" అన్నారు. దర్శకుడు బాబ్జీ చెబుతూ, "ఈ సినిమాకి దర్శకుడిగానే కాకుండా నిర్మాతగా కూడా వ్యవహరిస్తున్నాను. ఈ సినిమాకి శ్రీహరి అయితేనే సరిగ్గా సూట్ అవుతారు" అన్నారు.
