దర్శకుడు కృష్ణవంశీ ఏ మంత్రమేస్తాడో కానీ... ఆయన సినిమాలో నటించే కథానాయికలు ఆయనను తెగ పొగిడేస్తుంటారు. ఇప్పుడీ జాబితాలో తాప్సీ కూడా చేరింది. ప్రస్తుతం తను ఆయన దర్శకత్వంలో 'మొగుడు' సినిమాలో నటిస్తోంది. "కథానాయికల్ని అందంగా చూపించడంలోనూ, మా నుంచి మంచి నటనను రాబట్టడంలోనూ ఆయనకు ఆయనే సాటి. ప్రతి డైలాగుకీ అర్ధం చెబుతూ, చిన్న చిన్న ఎక్స్ ప్రేషన్స్ కూడా ఎంతో ఓపిగ్గా రాబట్టుకుంటారాయన. ఇప్పుడు నాకు తెలుగు బాగా వచ్చిందంటే దానికి ఆయనే కారణం. ఈ సినిమా పూర్తయ్యేటప్పటికి తెలుగులో ఫ్లూయేంట్ గా మాట్లాడేస్తా" అంటోంది తాప్సీ. తన పాత్రని తెలుగుదనం ఉట్టిపడేలా వంశీ మలచారనీ, ఇది తన కెరీర్ కి ఎంతో హెల్ప్ అవుతుందనీ ఈ డిల్లీ భామ చెబుతోంది.
