'దూకుడు' ఆడియో విడుదల రేపు, మాపు అంటూ అభిమానులను ఊరిస్తూవుంది. మహేష్ బాబు ఫాన్స్ ఈ ఆడియో కోసం ఎంతగా ఎదురుచూస్తున్నారో, అంతగా ఎప్పటికప్పుడు అది వాయిదాపడుతూ వస్తోంది. మొదట్లో ఈ నెల 7 న అన్నారు... తర్వాత 11 కి మారింది... తాజాగా ఈ సినిమా ఆడియో రిలీజ్ ఈ నెల 13 కి వాయిదాపడింది. ఇదిలా ఉంచితే, ఈ చిత్రం షూటింగ్ హైదరాబాదులోని వివిధ లోకేషన్లలో కొనసాగుతోంది. ఈ నెలాఖరుకి చిత్రాన్ని రిలీజ్ చేయడానికి ప్లాన్ చేస్తున్నారు కాబట్టి, చాలా ఫాస్ట్ గా షూటింగ్ పూర్తి చేస్తున్నారు. కాగా, బిజినెస్ పరంగా ఈ సినిమా కొత్త రికార్డులు క్రియేట్ చేస్తోందని తెలుస్తోంది. శాటిలైట్ రైట్స్, ఓవర్ సీస్ రైట్స్, ఏరియా రైట్స్ విషయంలో చాలా 'దూకుడు'గానే వుందని అంటున్నారు.
