ప్రస్తుతం దూకుడు, ఈగ సినిమాలలో నటిస్తున్న కథానాయిక సమంతా, తాజాగా సిద్ధార్థ్ సరసన నటించడానికి యాక్సప్ట్ చేసింది. ఆమధ్య 'ఆవకాయ్ బిర్యానీ' చిత్రాన్ని డైరెక్ట్ చేసిన అనీష్ కురువిల్లా దర్శకత్వం వహించే చిత్రంలో వీరిద్దరూ హీరో హీరోయిన్లుగా నటించనున్నారు. ఈ చిత్రానికి సంబంధించిన స్క్రిప్ట్ వర్క్ పూర్తయింది. షూటింగును ఈ నెలాఖరుకి ప్రారంభించడానికి సన్నాహాలు చేస్తున్నారు. దీనిని జె.సాంబశివరావు నిర్మిస్తున్నారు. ఇదిలా ఉంచితే, సిద్ధార్థ్ ప్రస్తుతం దిల్ రాజ్ నిర్మిస్తున్న 'ఓ మై ఫ్రెండ్' సినిమాలో నటిస్తున్న సంగతి తెలిసిందే.
