ఇటీవల వచ్చిన 'నాన్న' సినిమాలో నటించిన మలయాళ భామ అమలా పాల్ త్వరలో టాలీవుడ్ ప్రవేశం కూడా చేస్తోంది. నాగచైతన్య సరసన కథానాయికగా నటించనుంది. విజయవాడ నేరచరిత్ర నేపథ్యంలో రామ్ గోపాల్ వర్మ నిర్మిస్తున్న 'బెజవాడ రౌడీలు' సినిమాలో ఆమె నాగచైతన్య పక్కన హీరోయిన్ గా సెలెక్ట్ అయింది. వివేక్ కృష్ణ డైరెక్షన్లో రూపొందుతున్న ఈ చిత్రానికి సంబంధించిన మేజర్ పార్ట్ షూటింగ్ ఇప్పటికే పూర్తయింది. హీరో, హీరోయిన్లపై వచ్చే సన్నివేశాలను త్వరలో జరిగే షెడ్యుల్ లో చిత్రీకరించడానికి ప్లాన్ చేస్తున్నారు. ఈ సినిమా టైటిల్ ఇప్పటికీ వివాదాస్పదంగానే వున్న సంగతి తెలిసిందే!
