ఇటీవల 'అహ నా పెళ్ళంట' వంటి హాస్య కథా చిత్రాన్ని రూపొందించిన దర్శకుడు వీరభద్రం చౌదరి తన తదుపరి చిత్రాన్ని మాక్స్ ఇండియా సంస్థకు చేస్తున్నాడు. ప్రముఖ హాస్య నటుడు సునీల్ ఇందులో హీరోగా నటిస్తున్నాడు. కాగా, హీరోయిన్ గా ఇషా చావ్లాని ఎంపిక చేశారు. ఇటీవల వచ్చిన 'ప్రేమ కావాలి' సినిమా ద్వారా ఆమె కథానాయికగా టాలీవుడ్ కి పరిచయమైన సంగతి మనకు తెలుసు. ఈ సినిమా షూటింగు ఈ నెల 18 న ప్రారంభమవుతుంది. సెప్టెంబర్ ఒకటి నుంచి రెగ్యులర్ షూటింగ్ చేస్తారు. దీనికి నిర్మాత కె.అచ్చిరెడ్డి.
