తమిళంలో ఇప్పుడు దూసుకువస్తున్న కథానాయికగా అమలాపాల్ ను చెప్పుకోవచ్చు. ఆమధ్య వచ్చిన చిన్న సినిమా 'మైనా' ఆమెకు మంచి గుర్తింపు తెచ్చింది. తాజాగా విక్రం సరసన నటించిన 'నాన్న' సినిమా తెలుగులో కూడా అమలాకు గుర్తింపు తెచ్చింది. అలాగే, తాజాగా తమిళంలో రజనీకాంత్ కూతురు ఐశ్వర్య దర్శకత్వంలో ధనుష్ హీరోగా రూపొందుతున్న '3' సినిమాలో కూడా కథానాయికగా ఎంపికై అమలా వార్తల్లోకెక్కింది. ఇప్పుడీ మల్లూ భామ తెలుగులో కూడా ఓ చిత్రాన్ని యాక్సప్ట్ చేసింది. అక్కినేని నాగచైతన్య నటించే ఓ చిత్రంలో కథానాయికగా నటిస్తోంది. పూర్తి వివరాలు త్వరలో తెలుస్తాయి.
