మంచి కథలతో వస్తే మల్టీ స్టారర్ సినిమాలు చేయడానికి తనకు ఎటువంటి అభ్యంతరం లేదని వెంకటేష్ అంటున్నాడు. మహేష్ బాబుతో కలిసి ఓ సినిమా చేయడానికి స్క్రిప్ట్ వర్క్ జరుగుతోందని చెప్పాడు. డైరెక్టర్లు మంచి కథలు తయారుచేసుకుంటే మల్టీ స్టారర్ సినిమాలు చేయడానికి చాలామంది హీరోలు ముందుకు వస్తారని వెంకీ అన్నాడు. ప్రస్తుతం వున్న మన యంగ్ హీరోలలో టాలెంట్ తో బాటు ఎనర్జీ కూడా వున్నా వాళ్ళు చాలా మంది వున్నారని అంటున్నాడు. అలాగే, తను గతంలో నటించిన 'బొబ్బిలి రాజా' సినిమాకి సీక్వెల్ చేయాలనే ఆలోచన కూడా వుందంటున్నాడు. వచ్చే ఏడాది తన డ్రీం ప్రాజక్ట్ 'వివేకానంద' చేస్తానని వెంకటేష్ చెబుతున్నాడు. అందుకు సంబంధించిన సన్నాహాలు జరుగుతున్నాయన్నాడు.
