ఇటీవల రామానాయుడు నిర్మించిన 'ముగ్గురు' సినిమాలో నటించి, మరో మంచి అవకాశం కోసం ఎదురుచూస్తున్న కథానాయిక శ్రద్దాదాస్ కి తాజాగా దర్శకుడు కృష్ణవంశీ నుంచి పిలుపొచ్చింది. ప్రస్తుతం గోపీచంద్ హీరోగా తను రూపొందిస్తున్న 'మొగుడు' సినిమాలో ఓ ముఖ్యపాత్రను శ్రద్దాకి ఆఫర్ చేశాడు. దాంతో ఆమె ఎగిరిగంతేసి వెంటనే ఓకే చెప్పేసింది. ప్రస్తుతం ఈ షూటింగులో ఆమె పాల్గొంటోంది కూడా. కృష్ణవంశీ సినిమాలో చేయడం తన కెరీర్ కి ఎంతో హెల్ప్ అవుతుందని ఆమె సన్నిహితులతో చెప్పుకుని మురిసిపోతోందట. అయితే, ఇందులో ఆమె పాత్రకీ, గోపీచంద్ పాత్రకీ వున్న సంబంధం ఏమిటనేది మాత్రం గోప్యంగా వుంచారు. ఇందులో తాప్సీ కథానాయికగా నటిస్తున్న సంగతి తెలిసిందే.
